സി ഐ സുധീര് തന്റെ പരാതിയില് കേസെടുക്കുന്നതിനുപകരം അപമാനിക്കുകയായിരുന്നു എന്നാണ് മോഫിയ ആത്മഹത്യാക്കുറിപ്പില് എഴുതിയിരുന്നത്. പ്രാഥമിക അന്വേഷണത്തില് ഇയാള് കുറ്റക്കാരനാണെന്ന് കണ്ടെത്തിയതോടെ സര്വ്വീസില് നിന്ന് സസ്പെന്ഡ് ചെയ്യുകയായിരുന്നു.
സമരത്തിനിടെ ഡിഐജിയുടെ കാര് പ്രവര്ത്തകര് തടഞ്ഞ് നാശനഷ്ടം വരുത്തിയെന്നും ജലപീരങ്കിയുടെ മുകളില് കയറി കൊടി നാട്ടുകയും ചെയ്തുവെന്ന് കാണിച്ച് 12 പേരെ പ്രതികളാക്കി പൊലീസ് കേസെടുത്തിരുന്നു. കേസില് അറസ്റ്റിലായ അൽ അമീൻ, അനസ്, നജീബ് എന്നിവരെ കസ്റ്റഡിയില് ആവശ്യപ്പെട്ട് കോടതിക്ക് നല്കിയ റിപ്പോര്ട്ടിലാണ് പൊലീസിന്റെ വിവാദമായ പരാമര്ശമുണ്ടായിരിക്കുന്നത്. കേസിലെ 1,4,5 പ്രതികളാണിവർ.
അതേസമയം, ഭർത്താവിന്റെ വീട്ടിൽ മോഫിയ പർവീണ് നേരിട്ടത് കൊടിയ പീഡനമാണെന്ന് റിമാൻഡ് റിപ്പോർട്ടിയില് പറയുന്നു. പെൺകുട്ടിയെ മാനസിക രോഗിയായി മുദ്രകുത്താൻ ശ്രമം നടന്നുവെന്നും ഭർത്താവ് സുഹൈൽ ലൈംഗീക വൈകൃതങ്ങൾക്ക് അടിമയാണെന്നും റിപ്പോർട്ടിലുണ്ട്
കളമശ്ശേരി നിയോജകമണ്ഡലത്തിലെ കോണ്ഗ്രസ് ഭാരവാഹികളാണ് ആലുവ പോലീസ് സ്റ്റേഷനില് എത്തിയത്. മുന് പഞ്ചായത്തംഗവും ബ്ലോക്ക് ഭാരവാഹിയുമായ കോണ്ഗ്രസുകാരനും ബൂത്ത് പ്രസിഡന്റുമാണ് സുഹൈലിനു വേണ്ടി പൊലീസ് സ്റ്റേഷനില് വന്നത്.
മുഖ്യമന്ത്രിയുടെ വാക്കില് വിശ്വാസവും പ്രതീക്ഷയുമുണ്ടെന്ന് മോഫിയുടെ പിതാവ് ദിൽഷാദ് പറഞ്ഞു. കുറ്റക്കാരെ സംരക്ഷിക്കുന്ന നിലപാട് സര്ക്കാരിന്റെ ഭാഗത്ത് നിന്നുമുണ്ടാകില്ലെന്നും മന്ത്രി പി രാജീവും വ്യക്തമാക്കി. വകുപ്പ് തല അന്വേഷണം പുരോഗമിക്കുകയാണെന്നും നടപടി ക്രമങ്ങള് പൂര്ത്തിയായതിന് ശേഷം തുടര്നടപടികളിലേക്ക് കടക്കുമെന്നും മന്ത്രി കൂട്ടിച്ചേര്ത്തു.
മോഫിയ പര്വീണ് നല്കിയ പരാതിയില് കേസ് എടുക്കുന്നതില് സി ഐ സുധീറിന് ഗുരുതര വീഴ്ച പറ്റിയിട്ടുണ്ടെന്നാണ് അന്വേഷണ റിപ്പോര്ട്ട്. ഒക്ടോബർ 29 ന് പരാതി ഡിവൈഎസ്പി സി ഐയ്ക്ക് കൈമാറിയിരുന്നുവെന്നും കേസ് എടുക്കാതെ 25 ദിവസം മനപൂര്വ്വം വൈകിപ്പിച്ചുവെന്നും അന്വേഷണ റിപ്പോര്ട്ടില് പറയുന്നു.